باعتبار ما حدا كتب شي فئلت لحالي لح اكتب كم سطر بركي حدا عرفان وين الله حاطو بتحسوس و بجي بفهمنا شو عم يصير
بدكون ما تواخزوني انا ما بفهم راسي من رجلي بالاقتصاد غير اني وات بشتغل
من الصبح للمسى و بالاخير باخد المصاري من شان اصرفون ووات بعمل هيك بكون
عم شغل ناس تانيين يلي بياخدوا المصاري يلي صرفتون انا و بدورن بصرفوهن و
هيك بتصير في دورة اقتصادية هل الحكي صح غلط ما بعرف بس المهم يلي بعرفو
وهاد متأكد منو انو وات بتنخفض قدرة المصاري يلي باخدون كل شهر على انها
تمنحني نفس القدرة على الصرف يلي انا متعود عليه فوات لح امسك من اكبر
مسؤول لاصغر واحد و بلش مسبات, فيلو علاقة مالو علاقة ما بعرف انا لازم فش
اهري والك عليي انو الكل لح تلحئو طرطوشة, يلي متأكد منو انو معظم الناس
بتشترك معي بهل الشغلة ومن شان هل الشي كان بيشو عم يحاول جهدوا يمنع
انهيار الاقتصاد لانو ما نائصوا الطبقة الصامتة تجن ويبلش يطلع صوتها, هو
بعرف انو تلت الارباع الناس بسوريا كرهانينو للموت بس كمان بعرف انو نسبة
كبيرة من هدول الناس مسكرين تمون لسبب او لاخر, على كل حال كان عميدور
براسي سؤال ليلي ما بشوف غير انو من المستحيل يطير بشار من دون استخدام
القوة المسلحة على الرغم من انو بشار اقوى عسكريا منا وفي ايران وروسيا عم
تدعموا بينما نحن عسكريا اضعف منو بكتير و ازا بدك تساوي توازن عسكري
فلازم حدا من “الخارج” يدعمنا و مافي حدا تطوع لهل الشي فلا الغرب مستعد
يدعمنا “مالها حربو” و لا الاتراك “اسبابون كتيرة” و اما الخليج فهنن
ئالوا صراحة انو الجهد لح يكون تحت مظلة الدولية “رجعنا لموافقة واشنطون
على القرار كشرط للدعم” بس من ناحية الاقتصاد ما حدا اصر فيه لبشار, ليش؟
لانو كل المطلوب منك تعملوا حتى تشارك بالجهد ضد بشار هو انك ما تعمل شي,
فمنعرف انو بشار بهل الحرب لح يوئف لحالوا باعتبار ايران مالها مستعدة
تدعموا للابد و هية يادوب تطعمي شعبها اما روسيا فمن سابع المستحيلات تعطي
بشار قرش بالعكس هي بتاخد مصاري ما بتعطي, وبالتالي فحاليا صفيان بس
المصاري يلي سرئها بشار منا
نحن منعرف انو بشار مستعد يحارب حتى اخر منحبكجي عندو, بس يا ترى هو مستعد يحارب حتى اخر دولار بحسابو؟!!!