اليوم
لاجل الصدفه جتمعت مع شي 5 سورين معي بالغربه ، و من كلمه لكلمه و حديث
لحديث لقيتون بلشو يحكو بعض بصيغ متل وين كنت انته اول الثوره لما انته
كنت مؤيد وانا معارض ، ويلي بيقول للتاني انته شو قدمو اهلك للثوره لحتى
عم تطلع بالعالي ، انا اكلت نصيبي اكيد ، بس بنفس الوقت اجت لبالي
سيناريهوات لشغلات بكرا بس تنجح الثوره صرت شبه واثق انو لح نشوفها و حبيت
شاركم فيها ، طبعا لح خليها بطريقة احديث بيني وبين لنقول مدير التوظيف
بالحكومة :

سيناريو 1 : وظيفه حكوميه عاديه

انا : مرحبا استاذ بالله قدمت على وظيفه عندكم من شي اسبوعين ولهلا ما اجاني اي رد مع اني مؤهل لكون بهل وظيفه.
مدير التوظيف : ولله يا استاذ خلص وظفنا واحد بهل وظيفه .
انا : ايوا طيب مين هل واحد اذا مافيها سأله
مدير التوظيف : ولله فلان الفلاني .
انا : شو هل الدنيه الصغيره بعرفو ، بس كمان بعرف انو مامعي اي شي بيأهلو ليكون بهل وظيفه شو كيف توظف.
مدير التوظيف : ولو يا استاذ هاد كان من اول العالم يلي شاركة بالثوره
ونزل علشارع و نادى للحريه و لتقليع النظام ، ونسحب مدري كم مره على فروع
الأمن اقل منها يعني نحطو بهيك وظيفه ، ولا شو رايك انته !
انا : لا ولله معك حق بيستاهل و اكتر *-*

______________________________

سيناريو 2 : وظيفه حكوميه بمنصب يحتاج شهادة تخصصيه و خبرات ” مثال : هندسة اتصالات ، شبكات ، هندسة مدنيه”

أنا : صباح الخير استاذ كيف حالك
مدير التوظيف اهلين ، تفضل كيف بقدر اخدمك
انا : أستاذ من شي عشر تيام كان في مسابقه للتوظيف و يومها تقدمنا انا و
كم شب وعدتوني خير بعتبار كنت الافضل بينهم من حيث الشهادة و الخبره
الطويله هيك وقتها علقتو على السي في تبعي و خصوصي اني كنت عم اشتغل بدبي
من 10 سنين بشركه امريكيه ، وحبيت اجي شارك بعمار البلد بعد الثوره …
مدير التوظيف لك اي اي تزكرتك بس ولله ياأبني خلص مشي الحال و ظفنا فلان يلي كان معك .
انا : بعد الصفنه طبعا ، اي بس استاذ هاد خريج جديد يعني و ماعندو المقومات المطلوبه لهل منصب الوظيفي !!!!#
مدير التوظيف : له يا ابني ماتحكي هيك بزعل منك هاد ، ابوه “اخوه ، اختو ،
امو ، ابنو ، ابن عمو ، حماتو حطو يلي بيعجبكم من هل قرابه” ستشهدو
بالثوره ، وهوه شارك كمان ، اقل منها ما نقدرو و نحطو بهيك وظيفه بعد كل
شي قدمو اهلو للبلد ، اي ولله مو حلوه مو !
أنا : اي لا اكيد استاذ مو مو ، شو هل حكي بيستاهل ونص *_-

______________________________

سيناريو 3 : منصب اداري

طبعا المقصود هون كل شي مناصب ايداريه من مدير قسم للوزير

انا
: مرحبا استاذ احمد ، شو طمني شو صار بقرار تعيني مدير المؤسسة ، مو كانو
اخدتو وقتكم انتو و مجلس الادارة ، و متل ما بتعرف يعني الشغله مو دفش
وراقي كلها تمام و تعبت على حالي و دفعت الغالي و النفيس لحتى اطور بهل
مجال و فيد الشركه و البلد ، وترشيحي لهل منصب اجا من اكتر من جهة ، فطمني

استاذ احمد : ولله يا سيدي مابعرف شو بدي قلك ، يعني مو أني خجلان منك لانو مافي شي بيخجل بس يعني بدك تقول الامور ما مشيت .

أنا : كيف يعني استاذ مامشيت !!#@

استاذ أحمد : ولله وظفنا فلان الفلاني أبن فلان اذا بتعرفو .

انا
: بعد ما بيجمد الواحد و مخو بيبلش يفك صمام الامان فيه ، اي عرفتو بس هاد
شو دخلو لتحطو بهل منصب هوه مساعد مدير قسم شلون بدكم تحطو مدير مؤسسه !!!
بس فهمني كيف ماعم احكي شي الشب فهمان بشغل بس فرق خبره بس يلي بيني وبينو
بتطلع قد عمرو ، فكيف هيك ، انو شلون واسطه يعني !

أستاذ أحمد : له له له شو هل حكي حاسك بلشت تخبص ، شو واسطه ما وسطه ، قول بالمونه بس مو اكتر

انا : خبص ليش شو حكيت !! و بالمونه ايوا

أستاذ
احمد : ليش ما بتعرفو انو فلان بيكون عمو فلان الفلاني يلي كان بالمجلس
الوطني السوري ، و ابن عمو بالتنسيقيه الفلانيه و ابن خالتو عنصر بالجيش
الحر ، يعني انته بتعرف اجتنا توصيه فيه من فوق من الانف ذكرون ، و
ماباليد حيله مابنقدر نساوي شي ، انته اكيد فهمان علي مو ، بتعرف لما بتجي
هيك تعليمات ماعلينا غير النفذ ، هدول من يلي عملولنا هل ثوره و خلصولنا
البلد من بيت الاسد و جماعتو …

أنا : ايوا اي معك حق يا سلام فعلا حقو الطبيعي و مطرحو وبيصير اكبر من المدير كمان ، حطو وزير -_-

مالح
كملكم اكتر من هيك بس لح خليكم انتوا كمان لخيالكم لتتخيلو معي الواحد شو
بدو يصير مثلا ، بيسب الثوره !! بيترحم على ايام الكر !! ولا بنبلش ثوره
تانيه ……

لاحدا بس يقلي هل حكي بعيد عن الواقع ، لانو صدقا ما بيكون عايش بالواقع ابدن